بھٹکل 28/اپریل (ایس او نیوز) سری لنکا میں حال ہی میں ہوئے خودکش بم دھماکے کےبعد ملک بھر میں چوکسی برتی جارہی ہے اور حفاظتی اقدامات کے تحت چیکنگ بھی کی جارہی ہے، اسی مناسبت سے آج اتوار کو بھٹکل ریلوے اسٹیشن پر بم اسکواڈ کی ایک ٹیم نے پورے ریلوے اسٹیشن میں خصوصی کتوں کی مدد سے جانچ کی ۔ ریلوے پلیٹ فارم، ریلوے فلائی اوور، ریلوے روٹ سمیت پورے اسٹیشن کی تلاشی لی ۔
پولس ٹیم کی قیادت اے ایس آئی مادیو گوڈا کررہے تھے۔
